LibraryNepali Documents

श्री गोदाम्वा प्रपत्ति – श्री भुमिका पति उनै हरिकी पियारी – Sri Godamba Prapatti

श्री गोदाम्वा प्रपत्ति

श्री भुमिका पति उनै हरिकी पियारी
श्री विष्णुचित्त मुनिकी अति राम्री छोरी
ज्यादै प्रसिद्ध शुभकीर्ति चली रहेका
गोदे ! म लिन्छु शरणं पदमा हजुरका ॥१॥

श्री धन्विनव्यपुरको तुलसी वनैमा
सीताजि झै लिनुभयो अवतार आमा
पार्ने पवित्र र धनि जनता जगत्का
गोदे ! म लिन्छु शरणं पदमा हजुरका ॥२॥

आजन्म देखि हरिका पदको सुभक्ति
गर्दै हटाई विषयान्तरका प्रवृत्ति
श्री भू समान महिमा छ प्रशिद्ध उम्दा
गोदे ! म लिन्छु शरणं पदमा हजुरका ॥ ३॥

माला लगाई शिरमा अति योग्य जानी
अर्पाउँदै वटशयी कन ध्यान गर्दी
गोदार्थ पूर्ण हरिबाट सूपूण्य मिल्दा
गोदे ! म लिन्छु शरणं पदमा हजुरका ॥४॥

आश्चर्य यै छ हरिले शिरका हजुरको
माला सुगन्धि पहिरी मन माफिकैको
त्यो प्रेम गायक सुसुन्दर दिव्यरूपा
गोवे ! म लिन्छु शरणं पदमा हजुरका ॥ ५॥

है नन्द ! गोपसुतको अतिदिव्य रूप
गाएर पूर्व इतिहास समेत नित्य
पाएर मीलन भयौ जननी कृतार्था
गोदे ! म लिन्छु शरणं पदमा हजुरका ॥६॥

श्रीमान् शठारी मुनिमा छ पितृत्व उच्चा
नाथादि यामुन यतीश्वरबाट पूज्या
श्रीकृष्ण भक्ति गरनेहरूको शरणमा
गोदे ! म लिन्छु शरणं पदमा हजुरका ॥७ ॥

मीठा अनेक कृतिले वश कृष्ण पारी
प्रख्यात भाग्य उनको लिन जन्म गर्दी |
गोपाल वाल चरितामृतका पियारा
गोदे ! म लिन्छु शरणं पदमा हजुरका ॥८॥

यो दिव्य मुक्ति रसिलो मधुरो र स्वच्छ
नौनी सरी छ अब अर्पण गर्छु झट्ट
स्वामी बनाउनुछ “सुन्दर पाणी” राम्रा
गोदे ! म लिन्छु शरणं पदमा हजुरका ॥९॥

कारुण्य पूर्ण हृदये !कमला सहाये
भक्त प्रिये ! सुकविता वन कुञ्ज रम्ने
है भट्टनाथ कुल मङ्गल दीप रेखे
श्रीपाउ लिन्छु शरणं म त नित्य गोदे ।॥१० ॥

शङ्ख, चक्र, ध्वज, बज् र माछा
छत्र पङ्कज अनेक खासा
आश्रिता बिपद नाशन वाठा
पाउ भज्दछु सदा म त गोदा ॥११॥

शौशिल्य कान्ति समता श्रित वत्सलत्वं
शौहार्द दान्त अरु सद्गुण राशि पूर्ण
श्री पाउ कृष्ण पुरुषोत्तमका पियारा
गोदा म लिन्छु शरणं पदमा हजुरका ॥१२॥

स्वामी श्री राघवेन्द्रावार्य
श्री बेंकटेश मन्दिर बत्तीस पुतली, काठमाडौ

Do you have your contents, books, or poems that you want to publish in our website library? Simply contact us below with your information.

Related Articles

Leave a Reply

Your email address will not be published.

Back to top button
error: Content is protected !!
%d bloggers like this: